घरेलु तथा साना उद्योगमा साढे ११ अर्ब लगानीको प्रस्ताव
कृष्ण रिजाल
भदौ १३, काठमाडौं । आर्थिक वर्ष २०६८र६९ मा नेपालमा घरेलु तथा साना उद्योगमा प्रस्तावित लगानी करीब रू। ११ अर्ब ४३ करोड ३० लाख भएको छ । घरेलु तथा साना उद्योग विभाग तथा घरेलु तथा साना उद्योग विकास समितिमा दर्ता भएका उद्योगले उक्त परिमाणमा लगानीको प्रस्ताव गरेका हुन् । यो लगानी प्रस्ताव अघिल्लो आवको भन्दा करीब ३ अर्ब रुपैयाँले कम हो ।
उचित औद्योगिक वातावरणको अभावले उद्योग दर्ता तथा लगानीको प्रस्तावमा कमी आएको घरेलु तथा साना उद्योग महासङ्घका उपाध्यक्ष सुरेश प्रधान बताउँछन् । ‘सुरक्षा, विद्युत्, पूँजी तथा जनशक्ति अभावका कारण औद्योगिक वातावरण खुम्चिँदै गएको छ,’ उनले भने, ‘यस्तो अवस्थामा औद्योगिक क्षेत्रमा उल्लेखनीय लगानी आउने सम्भावना न्यून हुन्छ ।’
समीक्षा वर्षमा विभाग र समितिमा गरी कुल १४ हजार ४ सय ६६ ओटा घरेलु तथा साना उद्योग दर्ता भएका छन् । यो सङ्ख्या पनि अघिल्लो आवको भन्दा १ सय ५२ ओटाले कम हो । युवाहरू वैदेशिक रोजगारीमा जाने क्रम बढ्दै जाँदा घरेलु तथा साना उद्योगमा लगानी घटेको महासङ्घको भनाइ छ । ‘एकातिर लाखौं युवा विदेशिएका छन् भने अर्कातिर उद्योगमा काम गर्ने मानिस नै पाउन मुश्किल बन्दै गएको छ,’ प्रधानले भने । मजदूरको खोल ओढी राजनीति गर्नेहरू समेत बढ्दै जानाले औद्योगिक वातावरण खलबलिँदै गएको उनको भनाइ छ ।
समीक्षा अवधिमा समितिमा ३ हजार ३ सय १२ ओटा घरेलु तथा साना उद्योग दर्ता भएका छन् भने विभागअन्तर्गत ११ हजार १ सय ५४ ओटा दर्ता भएका छन् । विभागअन्तर्गत दर्ता भएका उद्योगमा ९ अर्ब ५५ करोड ९१ लाख रुपैयाँ लगानीको प्रस्ताव आएको छ ।
समितिमा दर्ता भएका उद्योगमा भने १ अर्ब ८७ करोड ३९ लाख रुपैयाँ लगानीको प्रस्ताव गरिएको छ । विभागअन्तर्गत २७ ओटा जिल्ला पर्दछन् भने समितिले ४८ जिल्लालाई हेर्छ । अहिले समितिमा पर्याप्त कर्मचारीको दरबन्दी हुन नसक्दा र आवश्यक बजेटको अभावले कतिपय काम चुस्त र समयमा हुन नसकेको कर्मचारीहरू बताउँछन् ।
हालसम्म नेपालमा २ लाखको हाराहारीमा घरेलु तथा साना उद्योग दर्ता भइसकेका छन् । तर, विविध कारणले अहिले करीब १ लाख २० हजार उद्योग मात्र सञ्चालनमा रहेको महासङ्घको तथ्याङ्क छ । ऊर्जा, जनशक्ति, पूँजीलगायतको अभावले ती उद्योगहरू पूर्ण क्षमतामा सञ्चालनमा आउन नसकेको उपाध्यक्ष प्रधानले बताए ।
कृष्ण रिजाल
भदौ १३, काठमाडौं । आर्थिक वर्ष २०६८र६९ मा नेपालमा घरेलु तथा साना उद्योगमा प्रस्तावित लगानी करीब रू। ११ अर्ब ४३ करोड ३० लाख भएको छ । घरेलु तथा साना उद्योग विभाग तथा घरेलु तथा साना उद्योग विकास समितिमा दर्ता भएका उद्योगले उक्त परिमाणमा लगानीको प्रस्ताव गरेका हुन् । यो लगानी प्रस्ताव अघिल्लो आवको भन्दा करीब ३ अर्ब रुपैयाँले कम हो ।
उचित औद्योगिक वातावरणको अभावले उद्योग दर्ता तथा लगानीको प्रस्तावमा कमी आएको घरेलु तथा साना उद्योग महासङ्घका उपाध्यक्ष सुरेश प्रधान बताउँछन् । ‘सुरक्षा, विद्युत्, पूँजी तथा जनशक्ति अभावका कारण औद्योगिक वातावरण खुम्चिँदै गएको छ,’ उनले भने, ‘यस्तो अवस्थामा औद्योगिक क्षेत्रमा उल्लेखनीय लगानी आउने सम्भावना न्यून हुन्छ ।’
समीक्षा वर्षमा विभाग र समितिमा गरी कुल १४ हजार ४ सय ६६ ओटा घरेलु तथा साना उद्योग दर्ता भएका छन् । यो सङ्ख्या पनि अघिल्लो आवको भन्दा १ सय ५२ ओटाले कम हो । युवाहरू वैदेशिक रोजगारीमा जाने क्रम बढ्दै जाँदा घरेलु तथा साना उद्योगमा लगानी घटेको महासङ्घको भनाइ छ । ‘एकातिर लाखौं युवा विदेशिएका छन् भने अर्कातिर उद्योगमा काम गर्ने मानिस नै पाउन मुश्किल बन्दै गएको छ,’ प्रधानले भने । मजदूरको खोल ओढी राजनीति गर्नेहरू समेत बढ्दै जानाले औद्योगिक वातावरण खलबलिँदै गएको उनको भनाइ छ ।
समीक्षा अवधिमा समितिमा ३ हजार ३ सय १२ ओटा घरेलु तथा साना उद्योग दर्ता भएका छन् भने विभागअन्तर्गत ११ हजार १ सय ५४ ओटा दर्ता भएका छन् । विभागअन्तर्गत दर्ता भएका उद्योगमा ९ अर्ब ५५ करोड ९१ लाख रुपैयाँ लगानीको प्रस्ताव आएको छ ।
समितिमा दर्ता भएका उद्योगमा भने १ अर्ब ८७ करोड ३९ लाख रुपैयाँ लगानीको प्रस्ताव गरिएको छ । विभागअन्तर्गत २७ ओटा जिल्ला पर्दछन् भने समितिले ४८ जिल्लालाई हेर्छ । अहिले समितिमा पर्याप्त कर्मचारीको दरबन्दी हुन नसक्दा र आवश्यक बजेटको अभावले कतिपय काम चुस्त र समयमा हुन नसकेको कर्मचारीहरू बताउँछन् ।
हालसम्म नेपालमा २ लाखको हाराहारीमा घरेलु तथा साना उद्योग दर्ता भइसकेका छन् । तर, विविध कारणले अहिले करीब १ लाख २० हजार उद्योग मात्र सञ्चालनमा रहेको महासङ्घको तथ्याङ्क छ । ऊर्जा, जनशक्ति, पूँजीलगायतको अभावले ती उद्योगहरू पूर्ण क्षमतामा सञ्चालनमा आउन नसकेको उपाध्यक्ष प्रधानले बताए ।
Comments
Post a Comment