विदेशमा लगानी खुला गर्ने पक्षमा सरकार, परिसंघ भन्छ कानुन चाहियो

‘निर्यात व्यवसाय’मा पुनरकर्जा शुरू
भदौं ४, काठमाडौं । वाणिज्य बैङ्कहरूले ‘निर्यातमूलक व्यवसाय’मा पुनरकर्जा प्रदान गर्न शुरू गरिएको छ । राष्ट्र बैङ्कले आर्थिक वर्ष २०६९÷७०को मौद्रिक निती मार्फत रूग्ण उद्योग, घरेलु तथा साना उद्योग, निर्यातमूलक व्यवसाय र वैदेशिक रोजगारीको लागि  तोकिएको वर्गमा विशेष पुनरकर्जा उपलब्ध गराउने व्यवस्था गरेको थियो । सोहीअनुसार  बैङ्कहरूले निर्यातमूलक व्यवसायमा पुनरकर्जा दिन शुरू गरेका हुन् । ‘वर्षौदेखि हामीलाई विशेष पुनरकर्जा दिन्छौं भन्दै आश्वसन मात्रै बाडिदै आएको थियो,’ नेपाल पश्मिना उद्योग सङ्घका अध्यक्ष पुष्पमान श्रेष्ठले भने, ‘बल्ल यसपालिबाट भने त्यस्तो पुनरकर्जा पाउन थाल्यौं ।’
आइतवार नेपाली कागज निर्यात व्यवसायि विष्णु श्रेष्ठले  ग्लोबल बैङ्कबाट रू. ३० लाख रुपैयाँ पुनरकर्जा प्राप्त गरेका छन् । ‘निर्यातमूलुक व्यवासय’ शिर्षक अन्तर्गत विशेष पुनरकर्जा पाउने श्रेष्ठ पहिलो व्यक्ति भएको जानकारी दिइएको छ  । अब आपूmहरूले राष्ट्र बैङ्कको व्यवस्थाअनुसार विशेष पुनरकर्जा  प्राप्त गर्न सक्ने निर्यातमूलक व्यवसायिहरूले बताएका छन् । राष्ट्र बैङ्कले विशेष पुनरकर्जा अन्तर्गत वाणिज्य बैङ्कहरूलाई १ दशमलव ५ प्रतिशत ब्याजदरमा कर्जा उपलब्ध गराउँदछ । सोही कर्जा वाणिज्य बैङ्कहरूले बढीमा ४ दशमलव ५ प्रतिशत ब्याजदरमा निर्यातमूलक व्यवासयमा पुनरकर्जा प्रबाह गर्न पाउने व्यवस्था छ ।
हाल नेपालबाट नेपाली कागज, पश्मिना, हस्तकला, गलैचा, छालजन्य सामग्री, अदुवा, चिया, कफिलगायत वस्तुको निर्यात हुँदै आएको छ । अहिलेको निर्यात व्यापार वार्षिक ६५ अर्ब रुपैयाँ रहेको जानकारी दिदै श्रेष्ठले सहुलियत तथा विशेष पुनरकर्जालाई निरन्तरता दिएमा निर्यात व्यापारको आकार एक वर्षमै १ खर्ब बनाउन सकिने बताए ।