हाउजिङ व्यवसाय पुनः उकालोतर्फ लागेको सङ्केत
कृष्ण रिजाल
चैत ७, काठमाडौं । चालु आर्थिक वर्षमा संयुक्त आवास निर्माणको लागि स्वीकृति लिने कम्पनीको सङ्ख्या दोब्बरभन्दा बढीले वृद्धि भएको छ । आर्थिक वर्ष २०६७÷६८ मा ३ ओटा कम्पनीले उपत्यकामा कुल ४ सय ८७ युनिटको संयुक्त आवास निर्माणका लागि स्वीकृति लिएका थिए । तर, चालु आवको चैतको पहिलो सातासम्म उपत्यकामा २ हजार ९२ युनिटको संयुक्त आवास निर्माणका लागि ८ कम्पनीले स्वीकृत लिइसकेको सहरी विकास तथा भवन निर्माण विभाग, काठमाडौं डिभिजन कार्यालयको तथ्याङक छ । ‘निर्माण कार्यले गति लिन सकेको देखिएको छैन तर, स्वीकृति लिने कम्पनीको सङ्ख्या भने बढेको छ,’ डिभिजन कार्यालयका शाखा अधिकृत रोशन कुमार कठायतले अभियानसँग भने । व्यवसायीहरूले भने संयुक्त आवास निर्माण स्वीकृति बढ्नुलाई हाउजिङ व्यवसाय पुनः उकालो लागेको सङ्केतकोरूपमा लिएका छन् ।
आवास तथा घरजग्गा व्यवसायिले चलाएको ‘भ्यालु एड प्रोजेक्ट’का कारण हाउजिङ निर्माण स्वीकृति लिनेको सङ्ख्या बढेको आवास तथा घरजग्गा व्यवसायि सङ्घका महासचिव मिनमान श्रेष्ठले बताए । ‘आफ्ना कतिपय नबिकेका जग्गाहरू त्यसै राख्नु भन्दा चलायमान गरौ भनेर ‘भ्यालु एड प्रोजेक्ट’ सञ्चालन गरेका हौं,’ श्रेष्ठले भने ‘यसअन्गर्तत खालि जग्गामा घर वा अपार्टमेण्ट निर्माण गरेर विक्री गर्ने हाम्रो योजना हो ।’ तर, पर्याप्त लगानी अभावका कारण पहिल्यै स्वीकृत लिएका हाउजिङको पनि निर्माण कार्यले गति लिन नसकेको स्वीकार्दै श्रेष्ठले ‘भ्यालु एड प्रोजेक्ट’लाई सफल पार्न बैङ्कहरूले साथ दिनुपर्ने बताए । उता, सिटिजन्स बैङ्कका प्रमुख कार्यकारी अधिकृत राजन सिंह भण्डारीले हाउजिङमा बैङ्कले लगानी गरिरहेको जानकारी दिँदै ‘हाउजिङको ओभर स्टक’ भएका कारण लगानी केही कम भएको हुनसक्ने बताए । ‘३० प्रतिशत आफ्नो लगानी गर्ने गरी राम्रो योजना लिएर आएका हाउजिङ व्यवसायिलाई हामीले आवश्यक लगानीको ७० प्रतिशत कर्जा प्रबाह गरेकै छौं’ उनले भने ।
त्यस्तै, हाउजिङ निर्माण स्वीकृती लिनेको सङ्ख्या बढ्नु आफैमा सकारात्मक भएको सङ्घका उपाध्यक्ष इच्छा बहादुर वाग्लेले बताए । अभियानसँगको कुराकानीमा उनले भने, ‘हाउजिङको माग त बढेकै छ तर, लगानीको समस्याका कारण निर्माणले भने गति लिन सकेको छैन ।’ पछिल्लो तीन महीनायता घरजग्गा व्यवसायमा केही सुधार आएको जानकारी दिदै उनले बैङ्कले उचित व्याजदरमा आवश्यक कर्जा उपलब्ध गराए स्वीकृती लिने मात्र नभई निर्माण कार्यले पनि गति लिने बताए । तर, बैङ्कले लोन नदिएर निर्माण रोकियो भन्नु आरोप मात्र भएको प्रमुख कार्यकारी अधिकृत भण्डारीको भनाई छ । अहिले हाउजिङ व्यवसायले पुनः गति लिदै गएको सुनाउँदै भण्डारीले राष्ट्र बैङ्कले तोकेको सीमामा रहि हाउजिङमा लगानी गर्न बैङ्कहरू ईच्छुकनै रहेको बताए । त्यसका लागि व्यवसायिले बजारमा बिक्ने किसिमका योजनाहरू ल्याउनुपर्ने उनको भनाई छ ।
अहिले हाउजिङ व्यवसायले पुनः गति लिदै गएको सम्बन्धीत व्यवसायिहरू बताउँछन् । उपत्यकामा मात्र नभई मोफसलमा पनि हाउजिङ निर्माणका लागि स्वीकृती लिने कम्पनीको सङ्ख्या बढेको सम्बन्धीत डिभिजन कार्यालहरूले बताएका छन् । मोफसलमा अहिले झण्डै ८ ओटा कम्पनीले कुल १ हजार भन्दा बढी युनिटको हाउजिङ निर्माणको लागि स्वीकृति लिइसकेको सम्बन्धीत व्यवसायिहरू बताउँछन् । काठमाडौंमा गरेको लगानीको व्यवस्थापनपछि हाउजिङ कम्पनीहरू मोफसलमा समेत विस्तारहुदै जाने उनीहरूको भनाई छ ।
हाउजिङ निर्माण स्वीकृत लिने कम्पनी र प्रस्तावित युनिट
कम्पनी सङ्ख्या प्रस्तावित युनिट
आव ०६४÷६५ १३ ७ सय १७
आव ०६५÷६६ २० १ हजार २ सय ७०
आव ०६६÷६७ १३ ८ सय ९०
आव ०६७÷६८ ३ ४ सय ८७
चालु आवको चैत पहिलो सातासम्म ८ २ हजार ९२
स्रोतः सहरी विकास तथा भवन निर्माण विभाग, काठमाडौं डिभिजन कार्यालय
कृष्ण रिजाल
चैत ७, काठमाडौं । चालु आर्थिक वर्षमा संयुक्त आवास निर्माणको लागि स्वीकृति लिने कम्पनीको सङ्ख्या दोब्बरभन्दा बढीले वृद्धि भएको छ । आर्थिक वर्ष २०६७÷६८ मा ३ ओटा कम्पनीले उपत्यकामा कुल ४ सय ८७ युनिटको संयुक्त आवास निर्माणका लागि स्वीकृति लिएका थिए । तर, चालु आवको चैतको पहिलो सातासम्म उपत्यकामा २ हजार ९२ युनिटको संयुक्त आवास निर्माणका लागि ८ कम्पनीले स्वीकृत लिइसकेको सहरी विकास तथा भवन निर्माण विभाग, काठमाडौं डिभिजन कार्यालयको तथ्याङक छ । ‘निर्माण कार्यले गति लिन सकेको देखिएको छैन तर, स्वीकृति लिने कम्पनीको सङ्ख्या भने बढेको छ,’ डिभिजन कार्यालयका शाखा अधिकृत रोशन कुमार कठायतले अभियानसँग भने । व्यवसायीहरूले भने संयुक्त आवास निर्माण स्वीकृति बढ्नुलाई हाउजिङ व्यवसाय पुनः उकालो लागेको सङ्केतकोरूपमा लिएका छन् ।
आवास तथा घरजग्गा व्यवसायिले चलाएको ‘भ्यालु एड प्रोजेक्ट’का कारण हाउजिङ निर्माण स्वीकृति लिनेको सङ्ख्या बढेको आवास तथा घरजग्गा व्यवसायि सङ्घका महासचिव मिनमान श्रेष्ठले बताए । ‘आफ्ना कतिपय नबिकेका जग्गाहरू त्यसै राख्नु भन्दा चलायमान गरौ भनेर ‘भ्यालु एड प्रोजेक्ट’ सञ्चालन गरेका हौं,’ श्रेष्ठले भने ‘यसअन्गर्तत खालि जग्गामा घर वा अपार्टमेण्ट निर्माण गरेर विक्री गर्ने हाम्रो योजना हो ।’ तर, पर्याप्त लगानी अभावका कारण पहिल्यै स्वीकृत लिएका हाउजिङको पनि निर्माण कार्यले गति लिन नसकेको स्वीकार्दै श्रेष्ठले ‘भ्यालु एड प्रोजेक्ट’लाई सफल पार्न बैङ्कहरूले साथ दिनुपर्ने बताए । उता, सिटिजन्स बैङ्कका प्रमुख कार्यकारी अधिकृत राजन सिंह भण्डारीले हाउजिङमा बैङ्कले लगानी गरिरहेको जानकारी दिँदै ‘हाउजिङको ओभर स्टक’ भएका कारण लगानी केही कम भएको हुनसक्ने बताए । ‘३० प्रतिशत आफ्नो लगानी गर्ने गरी राम्रो योजना लिएर आएका हाउजिङ व्यवसायिलाई हामीले आवश्यक लगानीको ७० प्रतिशत कर्जा प्रबाह गरेकै छौं’ उनले भने ।
त्यस्तै, हाउजिङ निर्माण स्वीकृती लिनेको सङ्ख्या बढ्नु आफैमा सकारात्मक भएको सङ्घका उपाध्यक्ष इच्छा बहादुर वाग्लेले बताए । अभियानसँगको कुराकानीमा उनले भने, ‘हाउजिङको माग त बढेकै छ तर, लगानीको समस्याका कारण निर्माणले भने गति लिन सकेको छैन ।’ पछिल्लो तीन महीनायता घरजग्गा व्यवसायमा केही सुधार आएको जानकारी दिदै उनले बैङ्कले उचित व्याजदरमा आवश्यक कर्जा उपलब्ध गराए स्वीकृती लिने मात्र नभई निर्माण कार्यले पनि गति लिने बताए । तर, बैङ्कले लोन नदिएर निर्माण रोकियो भन्नु आरोप मात्र भएको प्रमुख कार्यकारी अधिकृत भण्डारीको भनाई छ । अहिले हाउजिङ व्यवसायले पुनः गति लिदै गएको सुनाउँदै भण्डारीले राष्ट्र बैङ्कले तोकेको सीमामा रहि हाउजिङमा लगानी गर्न बैङ्कहरू ईच्छुकनै रहेको बताए । त्यसका लागि व्यवसायिले बजारमा बिक्ने किसिमका योजनाहरू ल्याउनुपर्ने उनको भनाई छ ।
अहिले हाउजिङ व्यवसायले पुनः गति लिदै गएको सम्बन्धीत व्यवसायिहरू बताउँछन् । उपत्यकामा मात्र नभई मोफसलमा पनि हाउजिङ निर्माणका लागि स्वीकृती लिने कम्पनीको सङ्ख्या बढेको सम्बन्धीत डिभिजन कार्यालहरूले बताएका छन् । मोफसलमा अहिले झण्डै ८ ओटा कम्पनीले कुल १ हजार भन्दा बढी युनिटको हाउजिङ निर्माणको लागि स्वीकृति लिइसकेको सम्बन्धीत व्यवसायिहरू बताउँछन् । काठमाडौंमा गरेको लगानीको व्यवस्थापनपछि हाउजिङ कम्पनीहरू मोफसलमा समेत विस्तारहुदै जाने उनीहरूको भनाई छ ।
हाउजिङ निर्माण स्वीकृत लिने कम्पनी र प्रस्तावित युनिट
कम्पनी सङ्ख्या प्रस्तावित युनिट
आव ०६४÷६५ १३ ७ सय १७
आव ०६५÷६६ २० १ हजार २ सय ७०
आव ०६६÷६७ १३ ८ सय ९०
आव ०६७÷६८ ३ ४ सय ८७
चालु आवको चैत पहिलो सातासम्म ८ २ हजार ९२
स्रोतः सहरी विकास तथा भवन निर्माण विभाग, काठमाडौं डिभिजन कार्यालय
Comments
Post a Comment