यसकारण भयो दूरसञ्चार प्राधिकरणमा अध्यक्ष झाःको पुननियुक्ती

यो मन त मेरो नेपाली हो...................
जसो गर जे गर जतासुकै लैजाउ मलाई
यो मन त मेरो नेपाली हो..............
कृष्ण रिजाल
जेठ १०, काठमाडौं । बुधवार दरवारमार्गमा आयोजित राष्ट्रिय सद्भाव सभामा एड्रिन प्रधानले यो गीत गाउँदा उपस्थित  हजारौं नेपालीले राष्ट्रिय झण्डासहित हात उचालेर समर्थन गरे । उनीहरूले स्वरमा स्वर थप्दै एकै स्वरमा भने ‘यो मन त मेरो नेपाली हो ।’
विभिन्न राजनीतिक दल, तीनका भातृ संस्था र जाजीय सङ्गठनहरूले राष्ट्रिय सदभाव खलबलाउने गरी राज्य पुर्नसंरचनाको माग गरिरहदा सद्भाव सभमा उपस्थित हजारौं नेपालीले राष्ट्रिय झण्डा फहराउँदै नेपाली एकताको माग राखे । उनीहरूले ‘हिमाल पहाड तराई, कोही छैन पराई’, मेचीदेखि महाकाली, हामी सबै नेपाली’, ‘नेपाली जनता के भन्छन, संविधान ले भन्छन’लगायत नारा लगाएका थिए । सभामा विभिन्न जात, धर्म, भाषा र समुदायका युवा र प्रौढको मात्र नभई बालबालीका तथा बृद्धबृद्धाको समेत उपस्थिती रहेको थियो । नेपाली विविधता भित्रको एकतालाई सभामा उपस्थितहरूले छर्लङ पारिदिएका थिए । र, राष्ट्रिय सदभाव खलबलाउने गरी राजनीति गर्ने दल र दलका नेतालाई खवरदारी गरिरहेका थिए । ‘जब जब राष्ट्रियताको प्रस्न उठ्छ तब तब सबै नेपालीले आफ्नो जात, धर्म र समुदायभन्दा माथि उठेर राष्ट्रियताको कदर गर्छन,’ आफुलाई प्याब्सनका प्रतिनिधि बताउने एक सहभागीले भने ।
सेतो सर्ट÷टिर्सट लगाएर राष्ट्रिय झण्ड फहराउँदै दरबारमार्ग आइपुगेका नेपालीहरूले सद्भाव र एकताको गीत मात्रै गाएनन् शान्ति, संविधान र संबृद्ध नेपालको कामना गर्दै मैन प्रज्वलन पनि गरे । मैन बालेर राष्ट्रिय झण्डको चित्र कोरे । हजारौंको भिडमा बालिएको हजारौं मैन बत्तिले कसैलाई पनि पोलेन, कसैको पनि लुगा डढेन । यसले साच्चै नेपाली सहिष्णुतालाई उजागर गरेको थियो ।
गायकद्वय स्वरुपराज आचर्य र सत्यराज आचर्यले ‘जहा छन बुद्धका आखा....,’ ‘मेरो देश डुब्न लाग्यो किनार लगाइदेऊ....’ र ‘यो देश नेपाल मेरो हो....’ बोलको गित गाउँदा  हजारौं सहभागी भावविहवल भए । र, तालि मात्र पिटेटन् मुहारमा एकता र भाइचाराको चमकता देखाई आफुलाई नेपाली हुनुमा गर्भ रहेको भावाना छताछुल्ल पारे ।
नाफा र घाटाको जोड घटाउलाई विर्सिएर हजारौं  उद्योगी व्यवासायिले एकता र सदभावको नारा लगाए । उनीहरूले ‘नेपाल बन्द सधैका लागि बन्द गरौं’, ‘गरी खान देउ’, ‘हाम्रो नेपाल हाम्रो देश प्राण भन्दा प्यारो छ,’लगायत नारा लगाए । सभामा चिकित्सक, शिक्षक, पत्रकार, विद्यार्थी, अभिभावक, गृहीणी, कलाकार, कानुनकर्मी, मजदुर, कर्मचारी, उद्योगी व्यवसायिलगायत सवै क्षेत्रका  व्यक्तिहरूको उपस्थिती रहेको थियो । उनीहरूले नेपाली एकता र राष्ट्रिय सद्भाव कायम राख्न, नेपाल बन्दलाई सधैका लागि बन्द गर्न, समयमै संविधान  बनाउन र समृद्ध नेपालको निर्माण गर्न सवैपक्षसँग आग्रह गरेका थिए ।
photo : hari regmi\Rukesh shrestha