सरकारले नीतिलाई खुकुलो गराइदिदा पनि रियलइस्टेट तथा हाउजिङ व्यवसायले गति लिन सकेको छैन । स्वीकृत पाएका हाउजिङकले पनि निर्माणलाई गति दिन सकेका छैनन् । अहिले कुल हाउजिङको जम्मा ३३ प्रतिशत मात्र बुकिङ भएको छ । हाउजिङ व्यवसायले अझै गति लिन नसकिरहे पनि यस वेष्टारले भने वैशाख २१ देखि वेष्टारको दोस्रो टावरका फ्ल्याटहरूको बुकिङ पनि खुल्ला गरेको थियो । गोल्यान समूहद्वारा प्रवद्र्धित वेस्टार प्रोपर्टिज प्रालिले ललितपुरको बालकुमारीमा निर्माण गरिरहेको वेष्टारको पहिलो र दोस्रो टावरको निर्माण सम्पन्न भइसकेको छ । त्यस्तै, तेस्रो र चौथौं टावरको निर्माण पनि ६ महीनाभित्रमै सकिने वेष्टार प्रपर्टिजका अध्यक्ष पवनकुमार गोल्यान बताउँछन् । यसै सेरोफेरोमा रहेर आर्थिक अभियानका संवाददाता कृष्ण रिजालले गोल्यानसँग गरेको अन्तरवार्ताको सार ः
ड्ड सरकारले नीतिलाई खुकुलो गराइदिदा पनि रियलइस्टेट तथा हाउजिङ व्यवसायले गति लिन नसक्नुको कारण के हो ?
खासमा सरकारले हाउजिङ र रियलईष्टेटलाई एकै स्थानमा राखेर हेर्ने गरेकाले पनि हाउजिङ व्यवसायले गति लिन नसकेको हो । हाउजिङ उद्योग हो भने रियलईस्टेट टे«डिङ व्यवसाय हो । सरकारले हाउजिङका लागि छुट्टै नीति ल्याउनुपर्छ । अन्य उद्योगहरूले पाउने सुविधा तथा ब्याजको सहुलियत हाउजिङ व्यवसायले पनि पाउनुपर्छ । सरकारले ल्याएका कतिपय नीतिहरू कार्यन्वयनमा ल्याएको छैन । यसले पनि व्यवसायिहरूलाई समस्यामा पारेको छ । त्यस्तै, व्यक्ति आफैले गर्ने घर निर्माणलाई पनि हतोत्साहित गर्न जरुरी छ ।
ड्ड हाउजिङलाई गति दिन डेभलपर्स र सरकारले के कस्तो भूमिका निर्वाह गर्न आवश्यक छ ?
मैले अघिनै भने सरकारले हाउजिङ र रियलईष्टेटका लागि छुट्टाछुट्टै नीति ल्याउन आवश्यक छ । र, पहिल्यै ल्याएका नीतिलाई पनि कार्यन्वयन गर्नुपर्छ । त्यस्तै, पहिलोपटक घर किन्ने ग्राहकलाई सरकारले ६ देखि ७ प्रतिशतसम्मको घर कर्जा उपलब्ध गराउनुपर्छ । डेभलपर्सहरूले आफ्ना प्रोजेक्ट समयमै सकेर ग्राहकलाई दिनुपर्छ । त्यस्तै, जुन प्रोजेक्टका लागि भनेर ग्राहकसँग बुकिङ शुल्क लिइन्छ त्यो पैसा सोही प्रोजेक्टका लागि खर्च गरिनुपर्छ । ग्राहकले बुकिङ गर्दा दिएको रकम सिधै बैङ्कमा जम्मा हुने र बैङ्कमार्फत सोही प्रोजेक्टका त्यो रकम खर्च हुने व्यवसथा गरिनुपर्छ ।
ड्ड प्रसङ्ग बदालौं, वेष्टार दोस्रो टावरको बुकिङ खुल्ला भएपछि ग्राहकको प्रतिक्रिया कस्तो पाउनु भयो ?
हामीले पाँच दिनका लागि वैशाख २१ गतेदेखि वेष्टारका दोस्रो टावरको बुकिङ खुल्ला गरेका थियौं । यसमा ग्राहकहरूको सहभागीता उत्साहपूर्ण र≈यो । हाउजिङ व्यवसायले गति लिन नसकेको यस्तो अवस्थामा ग्राहकको सहभागीता कम होला भन्ने आसङ्का त थियो । तर, त्यसको ठीक उल्टो भयो । पाँच दिनको अवधिमा झण्डै १ हजार ग्राहकले वेष्टार टावरका बारेमा बुझ्न आउनु भयो । वेष्टारका चारै ओटा टावरमा गरी कुल २ सय १५ ओटा युनिट (फ्ल्याट) रहेका छन् । यसमध्ये दोस्रो फेजमा जम्मा २५ युनिट रहेका छन् ।
ड्ड वेष्टारको दोस्रो टावर ग्राहकले किन रोज्ने ?
सामान्यतः धेरै जसो अपार्टमेण्टहरू सुरक्षित र सुविधा सम्पन्न हुन्छन् । यसलाई वेष्टारले पनि अङ्गीकार गरेकै छ । हामीले वेष्टारमा बस्नेहरूका लागि आधारभूत अत्यावस्यकता जस्तै स्वास्थ्य, शपिङ र मनोरञ्जनको सुविधा अपार्टमेण्ट परिसरमै उपलब्ध गराउछौं । यसले गर्दा ग्राहकहरूले ती सेवा सुविधाको लागि बाहिर गइरहनु पर्दैन । वास्तुशास्त्रलाई समेत अपनाई निर्माण गरिएको वेष्टारमा सामूदायिक ब्याङ्केट हल, स्वीमिङ पूल, क्याफे, हेल्थ क्लब, जगिङ ट्र्याक, स्टीम÷साउना, बहुउद्देश्यीय कोर्टलगायत सुविधा रहेका छन् । बजार, अस्पताल र शैक्षिक संस्था जस्ता आधारभूत आवश्यकताहरु नजिकै रहेको छ । सुविधा तथा वरपरको वातावरणीय हिसाबले वेष्टार उत्कृष्ट छ । ग्राहकले एक पटक वेष्टार हेरेर यसका बारे जानकारी लिनु भयोभने उहाहरू त्यसै फर्केर जानुहुन्न जस्तो लाग्छ ।
ड्ड अपार्टमेण्टको मूल्य निर्धारण कसरी गरिएको छ ?
मध्यम, उच्च मध्यम र उच्च वर्ग लक्षित गरी वेष्टारको निर्माण थालिएको हो । र, यसको बुकिङ पनि तीनै वर्गले गरेका छन् । वेष्टार १६ रोपनीमा फैलिएको छ । २, ३ र ४ बेडरूम (डुप्लेक्स) को आधारमा बनाइएका अपार्टमेण्टहरूमा पर्याप्त घाम आउने ठाउ र भेण्टिलेसन रहेको छ । हामीले सुविधा तथा सुरक्षाका लागि कुनै सम्झौता गरेका छैनौं । सुविधासम्पन्न भएकाले वेष्टार महङ्गो छ भन्ने बाहीर हल्ला पनि चल्ने गरेको सुनेको छु । तर, हाम्रो प्रोजेक्ट ‘एफोर्डेवल’ छ । वेष्टारको २ बेडरूम (करीब ९ सय वर्गफिट क्षेत्रफल भएको) युनिटको मूल्य ६० लाख रूपैयाँदेखि शुरू हुन्छ । त्यस्तै, ४ बेडरूम (करीब २५ सय वर्गफिट क्षेत्रफल भएको) युनिटको मूल्य १ करोड ५० लाख रुपैयाँ तोकिएको छ । अपार्टमेण्टको ग्राउण्ड फ्लोरको मूल्य सबैभन्दा कम हुन्छ । तला बढ्दै जादा युनिट (फ्ल्याट)को मूल्य पनि बढ्दै जान्छ ।
ड्ड वेष्टार टावरका अपार्टमेण्ट खरीद गर्न उपलब्ध कर्जाको व्यवस्थापन कस्तो छ ?
हामीले बैङ्कहरूसँग सम्झौता गरी त्यही पाँच दिनको बुकिङ अवधिमा विभिन्न किसिमका ब्यादरमा घर कर्जा उपलब्ध गराउने भनेका थियौं । वेष्टारको दोस्रो टावरको बुकिङ गर्ने ग्राहकलाई बैङ्क अफ एशिया नेपालमार्फत ५ वर्षको लागि ९ दशमलव ५ प्रतिशत ब्याजदर र लक्ष्मी बैङकमार्फत १० वर्षको लागि १० प्रतिशत ब्याजदरमा घर कर्जा उपलब्ध गराउने भनेका थियौं । र, कतिपयालाई गरायौं पनि । अहिले बजारमा अपार्टमेण्टको लागि विभिन्न किसिमका स्किम, उपहार तथा छुट योजनाहरू ल्याइने गरेको छ । मलाई लाग्छ यस्ता स्किमले व्यवसाय प्रवद्र्धन गर्दैन । यसले ब्राण्डिङ मात्र गर्ने हो । ग्राहक आकर्षणको लागि हामीले सुविधा सम्पन्न र सुरक्षित अपार्टमेण्ट निर्माण गर्नुपर्छ ।
ड्ड वेष्टारका फ्ल्याटहरू ग्राहकलाई हस्तान्तर गर्ने योजनामा केही परिवर्तन छ कि ?
वेष्टारको पहिलो र दोस्रो टावरको निर्माण सम्पन्न भइसकेको छ । त्यस्तै, तेस्रो र चौथौं टावरको निर्माण पनि ६ महीनाभित्रमै सकिने कार्ययोजना बनाएका छौं । दुई महीनाभित्र पहिलो र दोस्रो टावर हस्तान्तरणको लागि योग्य हुने छन् । सन् २००८ देखि शुरू गरेको वेष्टार हामीले २०१२ भित्र हस्तान्तरण गर्ने भनेका थियौं । वेष्टारका फ्ल्याटहरू हामीले तोकिएको समय भन्दा पनि चाडो हस्तान्तरण गर्दै छौं ।
Comments
Post a Comment