यसकारण भयो दूरसञ्चार प्राधिकरणमा अध्यक्ष झाःको पुननियुक्ती

इञ्जेक्टिभ औषधि उत्पादन गर्दै लोमस
कृष्ण रिजाल
वैशाख २१, काठमाडौं । लोमस फर्मास्युटिकल्स प्रालिले इञ्जेक्टिभ मेडिसिन (इञ्जेक्सन मार्फत प्रयोग गरिने औषधि) उत्पादनको तयारी गरेको छ । झोल, ट्याब्लेट, मलहमलगायत गरी झण्डै २ सय ७५ थरीका औषधि उत्पादन गर्दै आएको लोमसले करीब २५ प्रकारका इञ्जेक्टिभ औषधि उत्पादनको तयारी गरेको हो । ‘इञ्जेक्टिभ मेडिसिनका लागि आवश्यक भौतिक पूर्वाधारदेखि ल्याब, मेशिन, कच्चा पदार्थलगायत सवै सामग्री उपलब्ध छन्,’ लोमसका अध्यक्ष तथा प्रबन्ध निर्देशक प्रदिपजङ्ग पाण्डेले भने, ‘पाँच महीनाभित्र उत्पादन गरीसक्ने योजना बनाएका छौं ।’
काठमाडौंको गोठाटारमा रहेको लोमस फर्मास्युटिकल्सले अहिले सरकारको लागि सेटोफेन ट्याब्लेट समेत उत्पादन गर्दै आएको छ । सरकारले गरेको प्यारासिटामोल उत्पादनको टेण्डर आव्हानमा लोमसको प्रस्ताव स्वीकृत भएको थियो । सोहीअनुसार लोमसले सरकारलाई तीनवर्षसम्म वार्षिक ८ करोड ३६ लाख ट्याबलेट उपलब्ध गराउने छ । सेटोफेन ब्राण्डको उक्त ट्याब्लेट प्रति गोटा ३४ पैसामा सरकारलाई उपलब्ध गराउने सम्झौता भएको जानकारी दिइएको छ । सरकारले उक्त ट्याबलेट सर्वसाधारण जनतालाई विभिन्न स्वास्थय संस्थामार्फत निःशुल्क वितरण गर्दछ । ‘सर्वसाधारण जनताले खाने भएकै कारण हामीले उक्त ट्याबलेट सस्तो मूल्यमा उपलब्ध गराएका हौं,’ अध्यक्ष तथा प्रबन्ध निर्देशक पाण्डेले भने, ‘यसबाटा हामीलाई फाइदा छैन ।’
सन् १९८६ मा स्थापना भएको लोमस नेपालकै अग्रणी औषधि उत्पादक भएको पाण्डेको दाबी छ । ‘गुणस्तरमा हामीले कुनै सम्झौता गर्दैनौं,’ पाण्डेले भने । शुरूमा करीब २५ लाखको अधिकृत पूँजीबाट लागनीमा स्थापित लोमसको सम्पती अहिले ६० करोड रुपैयाँ बराबरको पुगेको उनले बताए । हाल लोमसमा १ सय ६० जना स्थायी कर्मचारी कार्यरत छन् । कर्मचारीका लागि लोमसले बिहानीको खाना तथा दिउसो खाजा उपलब्ध गराउने गरेको उनले सुनाए । ‘सबै काम मेशिनले नै गर्नेहुँदा हाम्रो श्रम धेरै पर्दैन, सुविधा पनि ठीक छ,’ लोमसमा कार्यरत एक मजदुरले भने । लोमसले अहिले  साधारण रुघाखोकि तथा ज्वोरोका अलवा हार्मोन, मनोवैज्ञानिक, दन्त तथा मुख, मुटु सम्बन्धीलगायत विभिन्न रोग निवारक औषधि उत्पादन गर्दै आएको छ । यस्ता औषधिहरू अन्तरराष्ट्रिय मापदण्डअनुसार उत्पादन गर्ने गरेको लोमसले बताएको छ । विश्व स्वास्थ्य सङ्गठनको डब्ल्यूएचओ जीएमपी प्रमाणपत्र प्राप्त लोमस आईएसओ ९००१ः२००० र आईएसओ १४००१ः२००४ प्रमाणपत्र प्राप्त कम्पनी हो । पूर्ण स्वचालित प्रविधिमा आधारित लोमसले प्रत्येक वर्ष १० देखि १५ किसिमका नयाँ औषधि समेत उत्पादन गने गरेको जानकारी दिइएको छ ।