विदेशी लगानीको न्यूनतम सीमा अब रू. ५० लाख
कृष्ण रिजाल
भदौ २१, काठमाडौं । सरकारले नेपालमा विदेशीहरूले गर्नुपर्ने लगानीको न्यूनतम सीमा प्रतिलगानीकर्ता रू। ५० लाख पुर्याएको छ । उद्योग विभागले आज शुक्रवारदेखि लागू हुने गरी यस्तो व्यवस्था गरेको हो । विभागले बिहीवार सूचना प्रकाशन गरी विदेशीले गर्नुपर्ने लगानीको न्यूनतम सीमालाई बढाएको हो । यसअघि विदेशीहरूले नेपालमा गर्नुपर्ने लगानीको न्यूनतम सीमा २० हजार अमेरिकी डलर थियो ।
खासगरी नेपालमा ठूलो वैदेशिक लगानी भित्र्याउन यस्तो निर्णय गरिएको विभागको विदेशी लगानी शाखा प्रमुख विपिन राजभण्डारीले बताए । ‘नेपालमा वैदेशिक लगानीका साना उद्योगहरू स्थापना गर्ने ट्रेण्ड बढ्दै गएको छ,’ उनले भने, ‘साना लगानीका उद्योगले मुलुकमा रोजगारी सृजना गर्न र औद्योगिक उत्पादन बढाउन पर्याप्त टेवा पुर्याउँदैन ।’ राष्ट्रिय अर्थतन्त्रमा १० ओटा साना लगानीका उद्योगभन्दा दुइटा ठूला लगानीका उद्योगको टेवा तुलनात्मक रूपमा बढी हुने भएकाले लगानी गर्नुपर्ने न्यूनतम सीमा बढाइएको उनले बताए ।
यसअघि नेपालका उद्योगी–व्यवसायीहरूले समेत नेपालमा वैदेशिक लगानीको न्यूनतम सीमा कम भएको बताउँदै आएका थिए । उनीहरूले ठूला वैदेशिक लगानीलाई भिœयाउन बढी जोड दिनुपर्ने बताउँदै आएका थिए । विदेशी लगानीको न्यूनतम् सीमा बढाउने उद्योग विभागको निर्णय सकारात्मक भएको नेपाल उद्योग वाणिज्य महासङ्घ, उद्योग समितिका अध्यक्ष दिनेश श्रेष्ठले बताए । ‘नेपालमा सानो लगानी गर्ने भन्दै औद्योगिक व्यवसाय ऐनप्रदत्त सुविधा लिने विदेशीको सङ्ख्या बढ्दै गएको अवस्थामा विभागको निर्णय समयसापेक्ष छ,’ उनले भने, ‘यसले गर्दा साना लगानीको नाममा नेपालमा गरिने कतिपय विकृति घट्नेछ ।’
साना उद्योगमा लगानी गरिने पूँजी, प्रविधि र जनशक्ति नेपालमै रहेको भन्दै श्रेष्ठले नयाँ व्यवस्थाबाट ठूला विदेशी लगानी र साना स्वदेशी लगानीलाई प्रोत्साहन गर्ने बताए । नेपालमा हालसम्म वैदेशिक लगानी रहेका झण्डै २ हजार १ सय ८ ओटा उद्योग स्थापनाको प्रस्ताव आएको छ । त्यसमध्ये ७५ प्रतिशत प्रस्तावित उद्योग साना रहेका छन् । नेपालमा गतवर्ष वैदेशिक लगानीको प्रस्ताव झण्डै ५ अर्बले घटेको छ । आर्थिक वर्ष ०६८÷६९ मा करीब ७ अर्ब १४ करोड ८ लाख रुपैयाँ बराबरको विदेशी लगानीको प्रस्ताव आएको उद्योग विभागको तथ्याङ्क छ । अघिल्लो आव ०६७÷६८ मा भने झण्डै १२ अर्ब ४ करोड ९७ लाख रुपैयाँबराबरको विदेशी लगानीको प्रस्ताव आएको थियो ।
कृष्ण रिजाल
भदौ २१, काठमाडौं । सरकारले नेपालमा विदेशीहरूले गर्नुपर्ने लगानीको न्यूनतम सीमा प्रतिलगानीकर्ता रू। ५० लाख पुर्याएको छ । उद्योग विभागले आज शुक्रवारदेखि लागू हुने गरी यस्तो व्यवस्था गरेको हो । विभागले बिहीवार सूचना प्रकाशन गरी विदेशीले गर्नुपर्ने लगानीको न्यूनतम सीमालाई बढाएको हो । यसअघि विदेशीहरूले नेपालमा गर्नुपर्ने लगानीको न्यूनतम सीमा २० हजार अमेरिकी डलर थियो ।
खासगरी नेपालमा ठूलो वैदेशिक लगानी भित्र्याउन यस्तो निर्णय गरिएको विभागको विदेशी लगानी शाखा प्रमुख विपिन राजभण्डारीले बताए । ‘नेपालमा वैदेशिक लगानीका साना उद्योगहरू स्थापना गर्ने ट्रेण्ड बढ्दै गएको छ,’ उनले भने, ‘साना लगानीका उद्योगले मुलुकमा रोजगारी सृजना गर्न र औद्योगिक उत्पादन बढाउन पर्याप्त टेवा पुर्याउँदैन ।’ राष्ट्रिय अर्थतन्त्रमा १० ओटा साना लगानीका उद्योगभन्दा दुइटा ठूला लगानीका उद्योगको टेवा तुलनात्मक रूपमा बढी हुने भएकाले लगानी गर्नुपर्ने न्यूनतम सीमा बढाइएको उनले बताए ।
यसअघि नेपालका उद्योगी–व्यवसायीहरूले समेत नेपालमा वैदेशिक लगानीको न्यूनतम सीमा कम भएको बताउँदै आएका थिए । उनीहरूले ठूला वैदेशिक लगानीलाई भिœयाउन बढी जोड दिनुपर्ने बताउँदै आएका थिए । विदेशी लगानीको न्यूनतम् सीमा बढाउने उद्योग विभागको निर्णय सकारात्मक भएको नेपाल उद्योग वाणिज्य महासङ्घ, उद्योग समितिका अध्यक्ष दिनेश श्रेष्ठले बताए । ‘नेपालमा सानो लगानी गर्ने भन्दै औद्योगिक व्यवसाय ऐनप्रदत्त सुविधा लिने विदेशीको सङ्ख्या बढ्दै गएको अवस्थामा विभागको निर्णय समयसापेक्ष छ,’ उनले भने, ‘यसले गर्दा साना लगानीको नाममा नेपालमा गरिने कतिपय विकृति घट्नेछ ।’
साना उद्योगमा लगानी गरिने पूँजी, प्रविधि र जनशक्ति नेपालमै रहेको भन्दै श्रेष्ठले नयाँ व्यवस्थाबाट ठूला विदेशी लगानी र साना स्वदेशी लगानीलाई प्रोत्साहन गर्ने बताए । नेपालमा हालसम्म वैदेशिक लगानी रहेका झण्डै २ हजार १ सय ८ ओटा उद्योग स्थापनाको प्रस्ताव आएको छ । त्यसमध्ये ७५ प्रतिशत प्रस्तावित उद्योग साना रहेका छन् । नेपालमा गतवर्ष वैदेशिक लगानीको प्रस्ताव झण्डै ५ अर्बले घटेको छ । आर्थिक वर्ष ०६८÷६९ मा करीब ७ अर्ब १४ करोड ८ लाख रुपैयाँ बराबरको विदेशी लगानीको प्रस्ताव आएको उद्योग विभागको तथ्याङ्क छ । अघिल्लो आव ०६७÷६८ मा भने झण्डै १२ अर्ब ४ करोड ९७ लाख रुपैयाँबराबरको विदेशी लगानीको प्रस्ताव आएको थियो ।
Comments
Post a Comment