नेपालमा चेरी स् तीन मोडल, ६ रेञ्ज

कृष्ण रिजाल

पुस २, काठमाडौं । चिनियाँ अटोमोबाइल्स ब्राण्ड चेरीका हाल नेपाली बजारमा तीन मोडलका गाडीहरू उपलब्ध छन् । सन् २००५ मा नेपाल भित्रिएको चेरीका जीप सिरिजअन्तर्गत ‘टिगो’ तथा कार सिरिजअन्तर्गत ‘क्यूक्यूथ्री’ र ‘ए वान’ बजारमा उपलब्ध छन् । यसमध्ये जीप सिरिजअन्तर्गतको टिगो बढी विक्री हुने गरेको चेरीको नेपालका लागि आधिकारिक विक्रेता बामा मोटर्सका विक्री तथा बजार सहायक महाप्रबन्धक सुरज भट्टराईले बताए । ‘जीप सिरिजको भए पनि टिगो कारजस्तै लक्जरियस हुनुका साथै मूल्य पनि नेपाली बजार सुहाँउदो भएकाले यसको माग बढी भएको हो,’ उनले भने ।

चेरी


चीनको चेरी इण्टरनेशनल कम्पनी लिमिटेडले सन् १९९७ बाट उत्पादन शुरू गरेको चेरीका गाडी सन् २००२ देखि अन्तरराष्ट्रिय बजारमा विक्री थालिएको हो । नेपाल भित्रिएको ४ वर्षपछि अर्थात् सन् २००९ देखि बामा मोटर्सले यसको आधिकारिक रूपमा विक्रीवितरण गर्द ै आएका े छ । चरे ीका ४ सयभन्दा बढी गाडी विक्री भइसकेको बामाका विक्री तथा बजार सहायक महाप्रबन्धक भट्टराईले बताए । हाल नेपाली बजारमा उपलब्ध चेरीका सबै मोडलका गाडी पेट्रोल इञ्जिनक छन् । यी गाडीमा अष्ट्रिया र चीनको सहकार्यमा उत्पादन हुने एक्टेको इञ्जिन प्रयोग हुने कम्पनीले जानकारी दिएको छ । त्यस्तै, चेरीको बडी बेलायतको लोटस ग्रूपद्वारा परीक्षण तथा प्रमाणित गरिएको हुन्छ । त्यस्तै, सबै प्रकारका चेरी गाडीको उत्पादनअघि यसको सुरक्षा, टिकाउ तथा सहजताका बारेमा अनुसन्धान गरिन्छ ।

चेरी




चेरीका गाडीमा २ वर्ष वा ५० हजार किलोमिटरको वारेण्टी छ । त्यस्तै, विक्रीपछिको सेवाका रूपमा १६ पटक निःशुल्क सर्भिसिङको सुविधा उपलब्ध गराउने भट्टराईले जानकारी दिए । हाल काठमाडौंको थापाथली तथा पोखरामा चेरीको शोरूम तथा सुविधासम्पन्न सर्भिस सेण्टर रहेको छ । त्यस्तै, विराटनगर, वीरगञ्ज, बिर्तामोड, नारायणगढ, बुटवललगायत शहरमा चेरीका डिलर रहेको कम्पनीले जानकरी दिएको छ ।


टिगोः


चेरीको टिगो जीप एसयूभी ९स्पोर्ट युटिलिटी भेहिकल०अन्तर्गत पर्दछ । ग्राउण्ड क्लियरेन्स १ सय ९० मिलिमिटर भएको टिगोमा ५७ लिटर पेट्रोल क्षमताको ट्याङ्की छ । यस जीपमा एसी, म्युजिक सिष्टम, पावर विण्डोज, रुफ ¥याक, एयर ब्याग, सिट बेल्ट, एबीसी तथा ईबीडी ब्रेकिङ सिष्टमलगायत सुविधा छन् । अधिकतम १ सय ६० प्रतिघण्टा दौडन सक्ने क्षमता भएको यस जीपको मूल्य २९ लाख ६५ हजारदेखि ३४ लाख रुपैयाँ पर्ने बामा मोटर्सले जानकारी दिएको छ ।


क्यूक्यूथ्री


क्यूक्यूथ्री सुविधासम्पन्न कम्प्याक्ट कार भएको विक्री तथा बजार प्रबन्धक भट्टराईको भनाइ छ । उनका अनुसार यसको बजार मूल्य १२ लाख ७५ हजारदेखि १५ लाख ४५ हजार रुपैयाँ तोकिएको छ । ग्राउण्ड क्लियरेन्स १ सय ६० मिलिमिटर भएको क्यूक्यूथ्रीमा ५७ लिटर पेट्रोल क्षमताको ट्याङ्की छ । यस कम्प्याक्ट कारमा स्टील ≈वील, पावर मिरर, एसी, म्युजिक सिष्टम, कण्ट्रोल लक, पावर विण्डोजलगायत विभिन्न सुविधा छन् ।