RIJALKO BLOG

नेपाल ग्यास किन्न निम्बसले ऋण जुटायो कृष्ण रिजाल भदौ ३१, काठमाडौं । नेपाल ग्यास किन्न निम्बस होल्डिङ कम्पनीले ५७ करोड रुपैयाँ ऋण जुटाएको छ । ग्लोबल आईएमई बैङ्कको नेतृत्वमा प्रभु फाइनान्स, प्राइम कमर्शियल बैङ्क र एनआईसी बैङ्क निम्बसलाई ऋण दिन सहमत भएका हुन् । यसमा ग्लोबलले रू। २७ करोड, प्रभुले रू। १२ करोड र प्राइमले रू। १८ करोड ऋण लगानी गर्न सैद्धान्तिक सहमति गरिसकेका छन् । एनआईसीले भने कति ऋण दिने भन्ने टुङ्गो लागिसकेको छैन । ऋण उपलब्ध गराउन सहमति जनाउने चारैओटा वित्तीय संस्थाले ग्यास प्लाण्टको अवलोकन गरिसकेका छन् । ‘ग्यास प्लाण्टको अवलोकन गर्ने कार्य आइतवारै सकिइसकेको छ,’ ऋण उपलब्ध गराउनेमध्येको एक बैङ्कका उच्च अधिकारीले अभियानलाई भने, ‘अबको तीन÷चार दिनमै यससम्बन्धी अन्तिम सहमति हुने छ ।’ ग्यास कम्पनी कित्र निम्बसलाई बैङ्कहरूले कर्पोरेट, ओभरड्राफ्ट र टर्म गरी छुट्टाछुट्टै किसिमका ऋण उपलब्ध गराउने सहमति गरेका छन् । यसअनुसार १० दशमलव ५ प्रतिशतदेखि १३ प्रतिशत ब्याजदरमा ऋण उपलब्ध गराइने भएको छ । निम्बसलाई ऋण उपलब्ध गराउने प्रस्ताव प्राइम बैङ्कको सञ्चालक समितिमा आइनसकेको प्राइमका सञ्चालक ...

वार्षिक ७ अर्बको बिस्कुट खपत खपत र आयात बढ्दो, स्वदेशी उत्पादन स्थिर कृष्ण रिजाल भदौ २८, काठमाडौं । नेपालमा वार्षिक ७ अर्ब रुपैयाँबराबरको बिस्कुट खपत हुने गरेको छ । त्यसमध्ये ४० प्रतिशत बजार हिस्सा आयातित बिस्कुटको रहेको छ । यसको बजार वार्षिक २० प्रतिशतले बढ्दै गएको छ । खपत बढ्दै गए पनि स्वदेशी उत्पादन भने ओरालो लाग्दै गएको नेपाल बिस्कुट उद्योग सङ्घका उपाध्यक्ष तथा नेबिको प्रालिका प्रमुख कार्यकारी अधिकृत होमनाथ न्यौपाने बताउँछन् । ‘अहिले वार्षिक ३ अर्ब रुपैयाँबराबरको बिस्कुट आयात हुने गरेको छ,’ उनले भने, ‘यसमध्ये करीब ७५ प्रतिशत बिस्कुट अवैध रूपमा नेपाल भित्रिन्छ ।’ अवैध रूपमा भित्रने बिस्कुटसँग प्रतिस्पर्धा गर्नुपरेका कारण स्वदेशी उद्योगहरू समस्यामा परेको उनको भनाइ छ । हाल नेपालमा १० ठूलासहित करीब ४० ओटा बिस्कुट उद्योग सञ्चालनमा छन् । यिनले दैनिक ५ सय टन बिस्कुट उत्पादन गर्छन् । लोडशेडिङका कारण अधिकांश उद्योगले क्षमताको ५० प्रतिशतमात्रै उत्पादन गर्न सकेको उद्योगीहरू बताउँछन् । जेनेरेटर चलाएर बिस्कुट उत्पादन गर्दा प्रतिकिलो २० रुपैयाँसम्म लागत बढ्ने उनीहरूले जानकारी दिए । त्यस्तै,...

घरेलु तथा साना उद्योग महासङ्घ मा अधिकांश निर्विरोध कृष्ण रिजाल भदौ २७, काठमाडौं । नेपाल घरेलु तथा साना उद्योग महासङ्घको आठौं कार्यसमितिका लागि अध्यक्षमा सुरेश प्रधानसहित अधिकांश पदाधिकारी निर्विरोध निर्वाचित भएका छन् । बुधवार सम्पन्न महासङ्घको २०औं राष्ट्रिय महाधिवेशनले अध्यक्षसहित नौ जनालाई निर्विरोध निर्वाचित गरेको हो । महासङ्घको वरिष्ठ उपाध्यक्षमा श्यामप्रसाद गिरि तथा उपाध्यक्षमा पूर्णबहादुर भण्डारी, उमेश सिंह, अञ्जना ताम्राकार र चन्द्रकृष्ण श्रेष्ठ निर्विरोध निर्वाचित भएका छन् । त्यस्तै, महासचिवमा विष्णुबहादुर लुइँटेल, कोषाध्यक्षमा सूर्यबहादुर कँडेल र सहकोषाध्यक्षमा सत्यन्द्रनारायण प्रजापति निर्विरोध निर्वाचित भएका हुन् । महासङ्घको महिला आरक्षणअन्तर्गत पाँच जना कार्यकारी सदस्य पनि निर्विरोध निर्वाचित भएको महासङ्घले जानकारी दिएको छ । महिला आरक्षणअन्तर्गत निर्विरोध निर्वाचित हुनेमा कार्यकारी सदस्यहरूमा सरस्वती गिरि, कल्याणी मिश्र, प्रमिला बस्नेत, मनिषा सुब्बा र शरणा श्रेष्ठ रहेका छन् । महासङ्घको सचिव र २३ जना कार्यकारी सदस्यका लागि भने मतदान भएको छ । सचिव पदका लागि डम्बर रेग्मी र ओम...

५ कम्पनीलाई खानी उत्खननको स्वीकृति कृष्ण रिजाल भदौ २३, काठमाडौं । खानी तथा भूगर्भ विभागले आर्थिक वर्ष २०६८र६९ मा ५ ओटा कम्पनीलाई विभित्र स्थानमा खानी उत्खननका लागि स्वीकृति दिएको छ । विभागले तीन ठाउँमा काइनाइट र एकरएक ठाउँमा टुर्मालिन, चुनढुङ्गा र खरीढुङ्गा उत्खननका लागि स्वीकृति दिएको हो । सबै कम्पनीले उत्खननको काम शुरू गरिसकेको विभागका सिनियर डिभिजनल माइनिङ इञ्जिनीयर रामप्रसाद घिमिरेले अभियानलाई बताए । ‘उत्खननको स्वीकृति पाउने सबै कम्पनी स्वदेशी नै रहेका छन्,’ उनले भने । गत आवमा विपीन एण्ड अभि खनिज उद्योग प्रालिले दुई ठाउँमा काइनाइट उत्खननको स्वीकृति पाएको छ । कम्पनीलाई कालिकोटको भर्ता र जाजरकोटको गोर्खाकोटमा काइनाइट उत्खननको जिम्मा दिइएको घिमिरेले जानकारी दिए । जाजरकोटकै अर्छानी भत्रे स्थानमा काइनाइट उत्खननका लागि जनकबहादुर शाहीलाई स्वीकृति दिइएको उनले बताए । टुर्मालिन उत्खननको जिम्मा पाएको गङ्गामला मिनरल्स प्रालिले पनि काम अघि बढाइसकेको विभागले बताएको छ । कम्पनीले जाजरकोट जिल्लाको पजारुमा टुर्मालिन उत्खनन गर्ने छ । त्यस्तै, उदयपुरको डुम्रेमा चुनढुङ्गा उत्खननको स्वीकृति पाएको कसमस ...

विदेशी लगानीको न्यूनतम सीमा अब रू. ५० लाख कृष्ण रिजाल भदौ २१, काठमाडौं । सरकारले नेपालमा विदेशीहरूले गर्नुपर्ने लगानीको न्यूनतम सीमा प्रतिलगानीकर्ता रू। ५० लाख पुर्‍याएको छ । उद्योग विभागले आज शुक्रवारदेखि लागू हुने गरी यस्तो व्यवस्था गरेको हो । विभागले बिहीवार सूचना प्रकाशन गरी विदेशीले गर्नुपर्ने लगानीको न्यूनतम सीमालाई बढाएको हो । यसअघि विदेशीहरूले नेपालमा गर्नुपर्ने लगानीको न्यूनतम सीमा २० हजार अमेरिकी डलर थियो । खासगरी नेपालमा ठूलो वैदेशिक लगानी भित्र्याउन यस्तो निर्णय गरिएको विभागको विदेशी लगानी शाखा प्रमुख विपिन राजभण्डारीले बताए । ‘नेपालमा वैदेशिक लगानीका साना उद्योगहरू स्थापना गर्ने ट्रेण्ड बढ्दै गएको छ,’ उनले भने, ‘साना लगानीका उद्योगले मुलुकमा रोजगारी सृजना गर्न र औद्योगिक उत्पादन बढाउन पर्याप्त टेवा पुर्‍याउँदैन ।’ राष्ट्रिय अर्थतन्त्रमा १० ओटा साना लगानीका उद्योगभन्दा दुइटा ठूला लगानीका उद्योगको टेवा तुलनात्मक रूपमा बढी हुने भएकाले लगानी गर्नुपर्ने न्यूनतम सीमा बढाइएको उनले बताए । यसअघि नेपालका उद्योगी–व्यवसायीहरूले समेत नेपालमा वैदेशिक लगानीको न्यूनतम सीमा कम भएको बताउँद...